Sopela: Irakaspen sozioekonomikoak Eskozia eta Kataluniako prozesuetatik.

UEU (Udako Euskal Unibertsitateak) eta Gure Esku Dago herri ekimenak elkarlanean antolaturiko hitzaldia izango da Sopelan datorrean astean, hilak 23, (asteazkena).

“Irakaspen sozioekonomikoak Eskozia eta Kataluniako prozesuetatik” goiburupean. Oskar Arantzabal (UEU), Helena Franco (EUE-EHU) eta Ainhoa Latatu (UEU-Gure Esku Dago)arituko dira 19:00etan Kurtzio Kultur etxean.

Euren etorkizuna modu librean erabaki nahi duten herriek tresnak, egiturak eta irizpideak behar dituzte. Bai Eskozian bai Katalunian azken urte hauetan hausnarketa sozioekonomiko ugari bezain aberatsak gauzatu dira. Hitzaldi hau irakaspen horien inguruan gogoeta egiteko aukera ezin hobea da.